Rúta sem flutti kvennalið ÍBV í handknattleik og knattspyrnu frá kappleikjum á höfuðborgarsvæðinu í dag lenti í árekstri ekki fjarri Rauðhólum. Svo virðist sem sveigt hafi verið í veg fyrir rútuna.
Rútan var á leiðinni austur í Landeyjarhöfn. Engin slasaðist alvarlega í árekstrinum en þrennt var flutt til skoðunar á sjúkrahús, þar af einn farþegi rútunnar „vegna smávægilegs höfuðhöggs“ eins og segir í frétt Vísis.
Rútan fór ekki lengra og varð að bíða góða stund eftir að önnur kæmi á staðinn til þess að flytja farþega og farangur áfram austur á bóginn. Töluvert sást á rútunni eins og sjá má á myndunum fyrir neðan.
„Það er ekki þægilegt að lenda í árekstri og auðvitað voru leikmenn svolítið hristir en ég held að þetta hefði ekki getað farið betur. Enginn alvarlega slasaður, hvorki hjá okkur né í bílnum,“ segir Ellert Scheving, framkvæmdastjóri ÍBV, í samtali við Vísir.
Sjá einnig:
Marta sá til þess að stigin tvö fóru til Eyja
Staðan og næstu leikir í Olísdeildum.
Hefði kannski verið sanngjarnt að fá annað stigið
Döpur byrjun hjá okkur en við þiggjum stigin
