Sara Dröfn færir sig á milli liða á Suðurlandi

Eyjakonan Sara Dröfn Richardsdóttir hefur samið við handknattleiksdeild Umf. Selfoss til þriggja ára en Selfossliðið leikur á ný í Olísdeildinni á næstu leiktíð eftir árs veru í Grill 66-deildinni.

Sara Dröfn er hægri hornamaður sem kemur til Selfoss frá uppeldisfélagi sínu ÍBV. Þar hefur hún verið fastamaður í meistaraflokki í þrjú ár þrátt fyrir ungan aldur. Þá hefur Sara hefur verið í öllum yngri landsliðum Íslands.

„Við fögnum því að þessi öflugi leikmaður velji að taka þátt í uppbyggingu kvennahandboltans á Selfossi og bjóðum Söru Dröfn hjartanlega velkomna,“ segir í tilkynningu frá handknattleiksdeild Umf. Selfoss í dag.

Konur – helstu félagaskipti 2024