Stjarnan og Haukar unnu andstæðinga sína í tveimur síðustu leikjunum sem voru á dagskrá Olísdeildar kvenna í dag. Báðir leikir hófust klukkan 16. Stjarnan lagði KA/Þór með þriggja marka mun í TM-höllinni í Garðabæ, 19:16. Haukar lögðu Selfoss í hörkuleik á Ásvöllum. 35:30, eftir að hafa verið marki yfir í hálfleik, 19:18.
Selfoss hafði frumkvæðið framan af en gaf eftir þegar kom fram í miðjan leikinn og varð að játa sig sigrað. Eins og fram kom á handbolti.is í vikunni þá léttist ekki róðurinn hjá Selfossliðinu í vikunni þegar Roberta Stopé meiddist. Óttast er að hún hafi slitið krossband öðru sinni. Meiðsli hennar bætast ofan á önnur s.s. hjá Huldu Dís Þrastardóttur og Tinnu Sigurrós Traustadóttur. Selfossliðið gerði hvað það gat til þess að standa í Haukum.
Haukar eru jafnir KA/Þór með 12 stig eftir leiki dagsins. KA/Þór heldur 5. sætinu á innbyrðis leikjum auk þess sem liðið á leik til góða.
Stjarnan fylgir efstu liðunum tveimur, Val og ÍBV, fast eftir þegar fjórar umferðir eru eftir af deildarkeppninni. Markverðir beggja liða áttu stórleik í TM-höllinni í dag. Darija Zecevic varð 53% markvörslu hjá Stjörnunni og Matea Lonac 44% í marki KA/Þórs.
Staðan í Olísdeild kvenna.
Stjarnan – KA/Þór 19:16 (11:6).
Mörk Stjörnunnar: Anna Karen Hansdóttir 7, Elísabet Gunnarsdóttir 4, Helena Rut Örvarsdóttir 3, Lena Margrét Valdimarsdóttir 3, Eva Björk Davíðsdóttir 1, Hanna Guðrún Hauksdóttir 1.
Varin skot: Darija Zecevic 17/2, 53,1%.
Mörk KA/Þórs: Hildur Lilja Jónsdóttir 4, Nathalia Soares Baliana 4, Lydía Gunnþórsdóttir 3/3, Kristín A. Jóhannsdóttir 2, Anna Mary Jónsdóttir 2, Anna Þyrí Halldórsdóttir 1.
Varin skot: Matea Lonac 15/1, 44,1%.
Haukar – Selfoss 35:30 (19:18).
Mörk Hauka: Natasja Hammer 8, Elín Klara Þorkelsdóttir 6, Berglind Benediktsdóttir 5, Ena Car 3, Sonja Lind Sigsteinsdóttir 3, Rakel Oddný Guðmundsdóttir 3, Ragnheiður Sveinsdóttir 3, Ragnheiður Ragnarsdóttir 2, Gunnhildur Pétursdóttir 1, Rósa Kristín Kemp 1.
Varin skot: Elísa Helga Sigurðardóttir 9, 32,1% – Margrét Einarssdóttir 5, 31,3%.
Mörk Selfoss: Katla María Magnúsdóttir 11/2, Arna Kristín Einarsdóttir 6, Rakel Guðjónsdóttir 4, Hulda Hrönn Bragadóttir 4, Elínborg Katla Þorbjörnsdóttir 2, Tinna Soffía Traustadóttir 1, Adela Eyrún Jóhannsdóttir 1, Kristín Una Hólmarsdóttir 1.
Varin skot: Cornelia Hermansson 11/1, 23,9%.
Staðan í Olísdeild kvenna.
