Valur leikur til úrslita í Evrópubikarkeppninnni í handknattleik karla í næsta mánuði eftir að hafa lagt rúmenska liðið Minaur Baia Mare öðru sinni í undanúrslitum, 30:24, í Baia Mare gær og samanlagt 66:52 í báðum leikjum.
Aðeins einu sinni áður hefur íslenskt félagslið náð alla leið í úrslit á Evrópumóti félagsliða en lið Vals náði svo langt í Evrópukeppni meistaraliða árið 1980 undir stjórn Hilmar Björnsssonar.
Valur er eina taplausa liðið í keppninni á leiktíðinni, tólf sigurleikir. Þjálfari er Óskar Bjarni Óskasson.
Olympiacos hefur leikið tveimur leikjum færra, alls 10, og unnið níu þeirra og gert eitt jafntefli.
Sjá einnig:
„Ég er orðlaus og stoltur“
Valur leikur til úrslita í Evrópubikarnum
Framundan eru tveir úrslitaleikir við gríska liðið Olympiacos þar sem samanlögð úrslit leikjanna tveggja mun ráða því hvort Evrópubikarinn verður geymdur í bikarasafni Vals við Hlíðarenda næsta árið eða í Aþenu.
Fyrri úrslitaleikurinn verður 18. eða 19. maí á heimavelli Vals og sá síðari 25. eða 26. maí í Aþenu. Dregið var í dag.
Hér fyrir neðan er myndasyrpa frá leiknum í Baia Mare í gær frá Dragomir Ovidiu ljósmyndara. (Smellið á myndirnar til að sjá þær stærri).
Fréttin hefur verið uppfærð.
Sjá einnig:
Endurtekur Valur leikinn frá 1980?
Átta lið í undanúrslitum – frá Val, Þrótti, Víkingi, FH, Haukum og ÍBV
