Ómar Ingi Magnússon meiddist í leiknum við Svía í gær og kom eftir það ekkert meira við sögu. Af þessu ástæðum verður hann ekki með á morgun þegar íslenska landsliðið mætir Brasilíu í lokaumferð milliriðlakeppni heimsmeistaramótsins í Gautaborg.
„Ég tognaði í þríhöfða strax í fyrstu vörn í gær. Eftir það gat ég ekki kastað,” sagði Ómar Ingi við handbolta.is í Gautaborg í dag. Hann sagði ekki alveg vera viss um hver staðan væri á þessu meiðslum, hvort hann gæti átt von á skjótum bata eða ekki.
„Ég hafði fundið fyrir þessu áður í mótinu en síðan tók þetta sig upp í gær,“ sagði Ómar Ingi ennfremur óviss hvað taki við hjá sér eftir mótið með tilliti til meiðslanna. „Ég vil bara klára mótið, einbeita mér að því áður en lengra verður farið,“ sagði Ómar Ingi ennfremur.
Spurður hvort hann myndi leika með gegn Brasilíu á morgun sagði Ómar Ingi það vera mjög ólíklegt.
Þar með hafa þrír leikmenn helst úr lest íslenska landsliðsins á heimsmeistaramótinu. Hinir eru Aron Pálmarsson óg Ólafur Andrés Guðmundsson.
HM 2023 – Milliriðlar, leikjadagskrá, staðan
