Næstsíðasta umferð Grill 66-deildar kvenna verður leikin í kvöld. Töluverð spenna ríkir í toppbaráttunni. HK er efst eftir 17. sigurinn í síðustu umferð á sama tíma og Grótta tapaði fyrir FH á heimavelli. Þar með náði HK tveggja stiga forskoti á Gróttu. Áður voru liðin jöfn að stigum og Grótta sat í efsta sæti vegna hagstæðra innbyrðis úrslita í leikjum við HK á keppnistímabilinu.
Grótta sækir Fjölni heim í Fjölnishöllina í kvöld.
Í kvöld er röðin komin að HK-ingum að mæta FH í Kaplakrika. Þá kemur í ljós hvort FH takist að halda áfram að valda usla í kapphlaupi HK og Gróttu um efsta sætið. Liðið sem hafnar í efsta sæti fer beint upp í Olísdeild en það sem hafnar í öðru sæti tekur þátt í umspili um sæti í Olísdeildinni ásamt Víkingi, FH og næsta neðsta liði Olísdeildar kvenna, annaðhvort Selfoss eða Stjörnunni.
Grill 66-deild kvenna, 20. umferð:
Kaplakriki: FH – HK.
Fjölnishöll: Fjölnir – Grótta.
N1-höllin: Valur 2 – Víkingur.
Lambhagahöllin: Fram 2 – Afturelding.
- Leikirnir hefjast klukkan 20.
- Leikirnir verða sendir út á Handboltapassanum.
Síðasta umferð Grill 66-deildar kvenna verður leikin á sunnudaginn.
Staðan og næstu leikir í Grill 66-deildum.
