Jakob Lárusson heldur áfram að gera það gott sem þjálfari færeyska kvennaliðsins Kyndils í Þórshöfn. Hann tók við þjálfun liðsins í sumar sem leið og hefur stýrt liðinu til sigurs eða jafntefli í 10 síðustu leikjum eftir tap í meistarakeppninni í upphafi mótsins.
Kyndill er efstur í úrvalsdeildinni með 13 stig eftir sjö leiki eins og H71. Markatala Kyndils er hagstæðari en H71.
Kyndill vann í fyrrakvöld lið EB frá Eiði, 43:19, á heimavelli. Kristinn Guðmundsson er þjálfari EB. Eins og stundum áður þá var Turið Arge Samuelsen, fyrrverandi leikmaður Hauka, markahæst hjá Kyndli. Hún skorað 11 mörk.
EB rekur lestina án stiga að loknum sjö leikjum.
Næsti leikur Kyndils í úrvalsdeildinni verður við annað Þórshafnarlið, Neistann, á sunnudaginn eftir viku. EB mætir H71 sama dag.
Áður en að leik Kyndils og Neistans kemur mætir Kyndill liði VB frá Vági í bikarkeppninni á heimavelli á morgun.
Athsemd: Ritstjóri vill taka fram af gefnu tilefni að nokkrum sinnum hefur handbolt.is fjallað um Jakob Lárusson og lið Kyndils á undanförnum vikum og mánuðum. Hlekkur á nokkrar greinar er að finna hér fyrir neðan. Vissulega hafa greinarnar hvorki verið langar né myndakostur fjölbreyttur.
