Bikarmeistarar Vals voru fyrsta liðið til þess að tryggja sér sæti í undanúrslitum Powerade-bikarkeppni kvenna í kvöld þegar Valur vann ÍBV, 24:20, í íþróttamiðstöðinni í Vestmannaeyjum. Valur var með sex marka forskot í hálfleik, 14:8. Síðari í kvöld fara þrjár síðustu viðureignna átta liða úrslita fram.
Valur er þar með í undanúrslitum bikarkeppninnar sjöunda árið í röð.
Undanúrslit Powerade-bikarsins verða leikin á Ásvöllum miðvikudaginn 26. febrúar.
Valur hafi undirtökin í leiknum frá upphafi en ÍBV-liðið sem hefur átt erfitt uppdráttar síðustu vikur beit vel frá sér í síðari hálfleik. Þegar á leið hálfleikinn var ÍBV ekki langt frá því að velgja leikmönnum Vals undir uggum. Í tvígang á síðustu mínútum náði ÍBV að minnka muninn í tvö mörk, 21:19 og 22:20, þegar þrjá mínútur voru eftir. Elín Rósa Magnúsdóttir fór langt með að tryggja Vals sigurinn þegar hún vann boltann í vörninni og brunaði fram völlinn og skoraði 24. mark Vals, 24:20 þegar liðlega tvær mínútur voru eftir af leiktímanum.
Hafdís Renötudóttir átti stóleik í marki Vals og var meginmunurinn á liðunum þegar leikurinn er gerður upp. Hafdís varði 19 skot, nærri 50%.
ÍBV og Valur mætast á ný annað kvöld í Vestmannaeyjum og þá í 15. umferð Olísdeildar.
Mörk ÍBV: Birna Berg Haraldsdóttir 9/5, Ásdís Halla Hjarðar 3, Sunna Jónsdóttir 2, Birna María Unnarsdóttir 2, Ásta Björt Júlíusdóttir 2, Britney Emilie Florianne Cots 1, Alexandra Ósk Viktorsdóttir 1.
Varin skot: Bernódía Sif Sigurðardóttir 12, 33,3% – Ólöf Maren Bjarnadóttir 1/1, 100%.
Mörk Vals: Elín Rósa Magnúsdóttir 6, Þórey Anna Ásgeirsdóttir 5/1, Lovísa Thompson 5, Ásthildur Jóna Þórhallsdóttir 2, Elísa Elíasdóttir 2, Hildur Björnsdóttir 1, Lilja Ágústsdóttir 1, Hildigunnur Einarsdóttir 1, Ásdís Þóra Ágústsdóttir 1.
Varin skot: Hafdís Renötudóttir 19, 48,7%.
