- Auglýsing -
- Danski línumaðurinn Lukas Jørgensen er sagður vera undir smásjá ungverska meistaraliðsins Veszprém. Jørgensen, sem leikur nú með Flensburg, er víst hugsaður sem eftirmaður Frakkans Ludovic Fabregas.
- Orðrómur hefur verið upp um nokkurra vikna skeið að Fabregas ætli að snúa aftur til Barcelona næsta sumar eftir tveggja ára veru hjá Veszprém. Jørgensen er samingsbundinn Flensburg fram á mitt árið 2026. Láti Veszprém til skarar skríða verður félagið að taka upp veskið og greiða þýska liðinu félagsskiptagjald fyrir Danann.
- Franski landsliðsmaðurinn Dika Mem verður frá keppni um tíma vegna aðgerðar á öxl. Hann meiddist í kappleik í vikunni. Ekki kom fram í tilkynningu hversu lengi Mem verður frá keppni en víst er að aðgerðin verður gerð á þriðjudaginn. Mem er kjölfesta í liði Barcelona og franska landsliðinu. Síðarnefnda liðið má vart við fleiri áföllum fyrir heimsmeistaramótið sem hest eftir tvö mánuði. Þegar er frönsku landsliðsmennirnir Elohim Prandi, Kylian Villeminot og Kentin Mahé á sjúkralista landsliðsins.
- Norska handknattleikskonan, Henny Reistad, er hefur skrifað undir nýjan tveggja ára samning við danska meistaraliðið Team Esbjerg. Reistad er að margra mati besta handknattleikskona heims um þessar mundir. Hún er markahæst í dönsku úrvalsdeildinni og einnig í Meistaradeild Evrópu. Reistad verður lykilleikmaður norska landsliðsins á EM sem hefst 28. nóvember. Hún var valin mikilvægasti leikmaður HM kvenna á síðasta ári.
- Tveimur leikmönnum rúmenska handknattleiksliðsins Rapid Búkarest var sagt upp störfum í vikunni þótt báðir hafi verið samning við félagið fram á mitt árið 2026. Um er að ræða Marta Lopez og Milena Raicevic. Ekki hefur verið sagt á ástæðum fyrirvaralausum uppsögnum þeirra en talið er að fjárhagslega standi Rapid Búkarest ekki vel um þessar mundir og draga verði saman seglin.
- Auglýsing -
