- Auglýsing -
- Viktor Gísli Hallgrímsson átti stórleik í marki GOG á lokakafla leiksins við Skanderborg Aarhus Håndbold í dönsku úrvalsdeildinni í handknattleik í gær. Viktor Gísli kom í markið þegar ríflega 20 mínútur voru til leiksloka og GOG var sex mörkum undir, 23:17. Hann tók að verja allt hvað af tók og var maðurinn á bak við að GOG-liðið náði að snúa vörn í sókn og krækja í annað stigið, 31:31.
- Viktor Gísli varði sjö af 15 skotum sem mark kom, 47% markvarsla. Var hann fyrir vikið valinn maður leiksins í fyrsta sinn á keppnistímabilinu. GOG er efst í deildinni með 42 stig eftir 23 leiki og hefur sex stiga forskot á Danmerkurmeistara Aalborg Håndbold. Skanderborg-liðið er í þriðja sæti.
- Arnar Birkir Hálfdánsson skoraði sex mörk fyrir EHV Aue og átti eina stoðsendingu þegar liðið vann óvæntan og kærkominn sigur á Ludwigshafen, 25:23, útivelli í þýsku 2. deildinni í handknattleik í gærkvöld. Sveinbjörn Pétursson varði fimm skot á þeim stutta tíma sem hann stóð í marki liðsins undir lokið. Aue er þriðja neðsta sæti deildarinnar með 15 stig eftir 22 leiki. Ludwigshafen er í sjöunda sæti.
- Teitur Örn Einarsson kom lítið við sögu hjá Flensburg þegar liðið gerði óvænt jafntefli, 31:31, við neðsta lið þýsku 1. deildarinnar, GWD Minden, á heimavelli í gær. Flensburg situr í þriðja sæti.
- Ýmir Örn Gíslason skoraði eitt mark fyrir Rhein-Neckar Löwen er liðið tapaði fyrir Wetzlar á heimavelli með þriggja marka mun, 30:27, á heimavelli. Liðin eru í þýsku 1. deildinni. Löwen situr í 13. sæti af átján liðum deildarinnar.
- Orri Freyr Þorkelsson skoraði átta mörk og Aron Dagur Pálsson eitt fyrir Elverum í 11 marka sigri á Nærbø, 44:33, í norsku úrvalsdeildinni í handknattleik í gær. Elverum er sem fyrr efst i deildinni, með 42 stig eftir 21 leik.
- Viktor Petersen Norberg skoraði fjögur mörk en Óskar Ólafsson ekkert þegar Drammen tapaði fyrir Runar Sanderfjord á heimavelli í gær, 35:31. Drammen-liðið er áfram í öðru sæti deildarinnar, níu stigum á eftir Elverum.
- Fredrikstad Bkl., liðið sem Elías Már Halldórsson þjálfari í norsku úrvalsdeild kvenna vann Follo, 26:20, á útivelli í gær. Fredrikstad Bkl. er í tíunda sæti með 16 stig og er aðeins tveimur stigum frá áttunda sæti deildinnar. Átta efstu lið deildarinnar komast í úrslitakeppnina í vor.
- Storhamar, sem Axel Stefánsson þjálfar, vann Romerike Ravens frá Lilleström, 38:26, á útivelli og heldur þar með öðru sæti deildarinnar, er fimm stigum á eftir Vipers.
- Auglýsing -
