Markvörðurinn Sveinbjörn Pétursson hefur skrifað undir nýjan samning við þýska 3. deildarliðið EHV Aue. Samningurinn er til eins árs, út leiktíðina 2024. Hann leysir af núverandi samning sem rennur út í vor.
Sveinbjörn hefur gengið í gegnum súrt og sætt með EHV Aue síðan hann gekk á ný til liðs við félagið sumarið 2020. Kórónuveiran lék liðið grátt og þjálfarann mjög illa. EHV Aue féll úr 2. deild fyrir ári eftir harða baráttu við að forðast fall.
Sveinbjörn lék me EHV Aue frá 2012 til 2016 þegar hann flutti heim og gekk til liðs við Stjörnuna. Með Stjörnunni var Sveinbjörn, eða Bubbi eins og hann er kallaður, þangað til hann flutti á ný til Aue í austurhluta Þýskalands sumarið 2020.
EHV Aue stendur vel að vígi
EHV Aue er efst í B-riðli, eða austurhluta, 3. deildar með 44 stig eftir 46 leiki. Stefnan hefur verið tekin upp í 2. deild á ný. Óvíst er að það dugi EHV Aue að vinna sinn riðil með yfirburðum. Þriðju deild er skipt niður í fimm riðla og úr þeim fara aðeins þrjú lið upp í 2. deild eftir umspil.
