HSÍ og Getraunir vinna áfram saman

Handknattleikssamband Íslands, HSÍ, og Íslenskar Getraunir hafa endurnýjað samstarfssamning sín á milli. Íslenskar Getraunir hefur verið einn af bakhjörlum HSÍ til fjölda ára ásamt því að vera sterkur bakhjarl aðildarfélaga HSÍ.  

Í tilkynningu af þessu tilefni lýsir HSÍ yfir ánægju sinni með þennan samning og vonast til þess að eiga gott samstarf við Íslenskar Getraunir í framtíðinni.