Króatinn Domagoj Duvnjak tekur ekki þátt í fleiri leikjum á heimsmeistaramótinu í handknattleik karla og líklegt er að landsliðsferlinum sé lokið hjá hinum 36 ára gamla leiðtoga landsliðsins til margra ára. Danski handknattleiksmaðurinn Rasmus Boysen segir á Facebook að Dagur Sigurðsson landsliðsþjálfari Króata hafi tilkynnt í dag að Duvnjak verði ekki meira með á HM.
Igor Karacic var kallaður inn í landsliðið í gær og kom hann til Zagreb í morgun frá Póllandi þar sem hann býr og leikur með Industria Kielce.
✈️ Hrvatska? Zovi, samo zovi 🙏🏼 🇭🇷
— Hrvatski rukometni savez (@HRS_CHF) January 18, 2025
"Uvijek jedva čekam našu voljenu, srce posebno kuca jer živim Hrvatsku" ❤️
Veliko hrvatsko srce Igor Karačić sletio je u domovinu i kreće svojoj ekipi! 🚀#crohandball #inspiredbyhandball #CRODENNOR2025 pic.twitter.com/51lzbhXg6k
Eins og handbolti.is sagði frá í gærkvöld meiddist Duvnjak snemma leiks í viðureign Króata og Argentínumanna. Var hann fluttur á sjúkrahús til skoðunar en meiðsli kálfa er að ræða og það nokkuð alvarleg.
Duvnjak, sem er einn dáðasti íþróttamaður Króatíu, tilkynnti fyrir mótið að leikirnir á HM yrðu hans síðustu með landsliðinu á 19 ára feril. Hann hefur verið óskoraður leiktogi landsliðsins utan vallar sem innan undanfarin ár. Duvnjak framlengdi nýverið samning sinn við THW Kiel til eins ár en hann hefur leikið með liðinu í meira en áratug og verið fyrirliði þess um árabil.
