- Auglýsing -
- Haraldur Bolli Heimisson skrifaði á dögunum undir tveggja ára samning við handknattleiksdeild KA. Haraldur Bolli er tvítugur línumaður sem fékk eldskírn sína með meistaraflokksliði KA á síðasta keppnistímabili.
- Orri Freyr Þorkelsson skoraði eitt mark fyrir Elverum þegar liðið tapaði fyrir ØIF Arendal, 36:34, í annarri umferð norsku úrvalsdeildarinnar í handknattleik í gærkvöld. Leikið var í Elverum. Þetta var fyrsti sigur Arendal á heimavelli Elverum í deildarkeppni í fimm ár.
- Veigar Snær Sigurðsson hefur skrifað undir nýjan tveggja ára samning við handknattleiksdeild FH. Veigar Snær, sem leikur í stöðu vinstri hornamanns, og er fæddur árið 2001 og er uppalinn í Fimleikafélaginu.
- Handknattleiksdeild Þórs á Akureyri hefur handknattleiksæfingar í íþróttahúsinu á Dalvík á laugardaginn. Æfingar fyrir 1.-4.bekk verða á milli klukkan 10 og 11 og fyrir 5.-7.bekk frá klukkan 11 til 12. Frítt verður að æfa út september, segir í tilkynningu Þórs.
- Króatíska meistaraliðið PPD Zagreb rifti í gær samningi sínum við Vuko Borozan. Eina ástæðan sem gefin var fyrir þessari ákvörðun var sú að Borozan gæti ekki uppfyllt samningsskyldur sínar.
- Þýska handknattleiksliðið MT Melsungen verður án Julius Kühn næstu tvo til þrjá mánuði vegna meiðsla. Kühn varð fyrir hnjaski í viðureign Melsungen og Rhein-Nekcar Löwen í fyrstu umferð þýsku 1. deilarinnar á síðasta laugardag.
- Auglýsing -
