Selfoss innsiglaði sigur sinn í Grill66-deild kvenna í kvöld með stórsigri á ungmennaliði ÍBV, 37:25, í næst síðasta leik sínum í deildinni á keppnistímabilinu. Þar með er ennfremur ljóst að Selfoss tekur sæti í Olísdeild kvenna á næstu leiktíð en lið félagsins féll úr deildinni vorið 2019.
Selfossliðið er með þriggja stiga forskot í efsta sæti fyrir lokaumferðina, alls 34 í eftir 19 leiki. ÍR er í öðru sæti þremur stigum á eftir. ÍR og FH mætast þar með í fyrstu umferð umspils um sæti í Olísdeild á næsta ári og Grótta sem er fjórða efsta lið Grill66-deildar kvenna leikur við HK.
Keppnistímabilinu í Grill66-deild kvenna verður lokið hjá Selfossliðinu eftir leik við ungmennalið Vals í Origohöllinni á næsta sunnudag hverjar sem lyktir verðar.
Sex marka munur var á liðunum að loknum fyrri hálfleik í Vestmannaeyjum í kvöld, 20:14, Selfossi í vil.
Mörk ÍBV U.: Þóra Björg Stefánsdóttir 11, Sara Dröfn Richardsdóttir 5, Sara Sif Jónsdóttir 3, Aníta Björk Valgeirsdóttir 2, Ingibjörg Olsen 2, Katla Arnarsdóttir 2.
Mörk Selfoss U.: Tinna Soffía Traustadóttir 11, Tinna Sigurrós Traustadóttir 10, Elínborg Katla Þorbjörnsdóttir 5, Kristín Una Hólmarsdóttir 3, Roberta Strope 3, Rakel Guðjónsdóttir 2, Inga Sól Björnsdóttir 1, Lena Ósk Jónsdóttir 1, Katla Ómarsdóttir 1.
Stöðu og næstu leiki í Grill66-deild kvenna er að finna hér.
DEILDARMEISTARAR Í GRILL 66 DEILD KVENNA 2022!
— Selfoss handbolti (@selfosshandb) April 7, 2022
ÍBV U 25-37 Selfoss
Þökkum Vestmannaeyjum fyrir móttökurnar, dómurum og okkar einstaka stuðningsfólki fyrir leikinn.
Nú fjölmennum við á Hlíðarenda á sunnudag og tökum á móti sigurlaununum með stelpunum.#handbolti #olisdeildin pic.twitter.com/9QZYcvI4In
