Seltirningar hafa ekki lagt árar í bát í kapphlaupinu um sæti í Olísdeild kvenna á næstu leiktíð. Þeir sæta lagi sem fyrr í baráttunni og létu þar af leiðandi ekki tækifæri sér úr greipum ganga þegar Gróttuliðið sótti ungmennalið Fram heim í Grill 66-deild kvenna í handknattleik í dag.
Grótta fór með bæði stigin úr Úlfarsárdalnum með sjö marka sigri, 30:23, eftir að hafa verið tveimur mörkum yfir að loknum fyrri hálfleik 17:15. Eftir leikinn er Grótta með 22 stig og er stigi á eftir ÍR sem er í öðru sæti auk þess að eiga leik til góða.
Afturelding virðist nokkuð traust í efsta sæti með stigin sín 25 eftir 14 leiki.
Sigurjón Friðbjörn Björnsson er þar með áfram taplaus eftir að hann tók við þjálfun Gróttu fyrr á þessu ári.
Staðan í Grill 66-deild kvenna.
Mörk Fram U.: Sara Rún Gísladóttir 7, Daðey Ásta Hálfdánsdóttir 5, Dagmar Guðrún Pálsdóttir 5, Sóldís Rós Ragnarsdóttir 1, Ingibjörg Eva Baldvinsdóttir 1, Valgerður Arnalds 1, Arnbjörg Bertha Kristjánsdóttir 1, Elín Ása Bjarnadóttir 1, Íris Anna Gísladóttir 1.
Varin skot: Ingunn María Brynjarsdóttir 14.
Mörk Gróttu: Rut Bernódusdóttir 7, Ída Margrét Stefánsdóttir 6, Katrín Anna Ásmundsdóttir 4, Katrín Helga Sigurbergsdóttir 3, Hrafnhildur Hekla Grímsdóttir 2, Lilja Hrund Stefánsdóttir 2, Katrín S Thorsteinsson 2, Valgerður Helga Ísaksdóttir 2, Guðrún Þorláksdóttir 2.
Varin skot: Soffía Steingrímsdóttir 13, Ingibjörg Gróa Guðmundsdóttir 2.
