Tvær viðureignir verða á milli liða úr úrvalsdeild karla í fyrstu umferð Poweradebikarkeppni HSÍ í karlaflokki. Grótta fær Fram í heimsókn í Hertzhöllina á Seltjarnarnesi laugardaginn 28. október eða sunnudaginn 29. október og KA fær Víkinga í heimsókn norður yfir heiðar annan hvorn daginn.
Til viðbótar fara tvær viðureignir til viðbótar fram í 1. umferð, eða 32-liða úrslitum, keppninnar þessa helgi. Dregið var eftir hádegið í dag.
Í 32-liða úrslitum Poweradebikars karla mætast:
Grótta – Fram.
KA – Víkingur.
Hvíti riddarinn – HK.
Fjölnir – Hörður.
Neðantalin lið sitja hjá:
ÍBV, Valur, Afturelding, FH, Þór, Stjarnan, Selfoss, Víðir, ÍH, Haukar, ÍR, ÍBV B.
Leikirnir 1. umferðar eða 32-liða úrslita, fara fram laugardaginn 28. og sunnudaginn 29. október.
Handbolti.is fylgdist í textalýsingu þegar dregið var í Poweradebikar karla.
