KA féll úr leik eftir hressilega keppni við HC Fivers í síðari leik liðanna í Evrópubikarkeppninni í handknattleik í dag. Heimamenn unnu með fjögurra marka mun, 30:26, og samanlagt 59:56, í tveimur viðureignum.
KA var fimm mörkum undir í hálfleik í dag, 17:12, eftir að hafa átt erfitt uppdráttar í sókninni. Fyrir vikið fékk HC Fivers nokkuð af auðveldum mörkum eftir hraðaupphlaup og seinni bylgju. Nokkuð sem KA-liðinu skorti allan leikinn.
KA lék betur í síðari hálfleik og barðist við að minnka muninn allan tímann. Minnstur varð munurinn tvö mörk, 28:26. Nær komust KA-menn ekki.
Mörk KA: Einar Rafn Eiðsson 8, Skarphéðinn Ívar Einarsson 5, Dagur Gautason 4, Allan Norðberg 3, Dagur Árni Heimisson 3, Gauti Gunnarsson 2, Hilmar Bjarki Gíslason 1.
Varin skot: Bruno Bernat 6, 37,5% – Nicholas Satshwell 4, 19%.
Handbolti.is fylgdst með leiknum í textalýsingu hér fyrir neðan.
