Lárus ráðinn þjálfari hjá Val

Lárus Gunnarsson hefur verið ráðinn aðalþjálfari 4. flokks karla hjá handknattleiksdeild Vals. Hann mun einnig sinna markmannsþjálfun hjá 3. og 4. flokki karla ásamt því að vera í þjálfarateyminu hjá 3. flokki karla/U-liðinu, segir í tilkynningu Vals í dag.

Lárus þjálfaði m.a. Kríuna sem vann umspil Olísdeildar karla vorið 2021. Lárus var eftir það í ár þjálfari handknattleiksliðsins Bergsøy IL í Noregi. Fyrir utan að þjálfa þá var Lárus m.a. markvörður hjá Gróttu og Stjörnunni á sínum yngri árum.

„Valur bindur miklar vonir við Lárus og bjóðum við hann hjartanlega velkominn í Val,“ segir í tilkynningu í dag.