- Auglýsing -
- Henny Reistad skoraði 10 mörk í 13 skotum þegar lið hennar, Esbjerg, varð danskur bikarmeistari með sigri á Odense Håndbold, 31:25, í JYSK Arena í Óðinsvéum. Þetta eru önnur gullverðlaun Reistad í mánuðinum en hún var ein helsta driffjöður norska landsliðsins sem varð Evrópumeistari um miðjan mánuðinn. Reistad var valin besti leikmaður úrslitaleiksins í gær.
- Önnur norsk landsliðskona, Ragnhild Valle Dahl, var markahæst hjá Odense Håndbold í úrslitaleik bikarkeppninnar með sjö mörk.
- SønderjyskE vann Silkeborg-Voel, 32:23, í leik um bronsverðlaunin í dönsku bikarkeppninni í kvennaflokki í gær.
- Hollenski landsliðsmarkvörðurinn, Tess Wester, leikur ekki með Borussia Dortmund næstu vikur. Hún fékk þungt högg á höfuðið í viðureign Dortmund og TuS Metzingen í þýsku 1. deildinni á föstudaginn. Wester hefur áður verið frá keppni vegna höfuðhöggs.
- Dansk/færeyski handknattleiksmaðurinn Johan á Plógv Hansen meiddist í leik með Flensburg gegn Bietigheim í fyrradag. Hansen er í danska landsliðshópnum sem kemur saman til æfinga í upphafi nýs árs. Hansen segir í samtali við danska fjölmiðla að hann vonist til þess að meiðslin komi ekkki í veg fyrir þátttöku sína á heimsmeistaramótinu sem hefst um miðjan janúar.
- Annar leikmaður þrefaldra heimsmeistara Dana, Rasmus Lauge, er einnig meiddur en taldar er takmarkaðar líkur á að hann verði ekki búinn að jafna sig áður en slagurinn á HM hefst.
- Auglýsing -
