Fyrir hádegið á sunnudaginn var leikið til úrslita í Powerade-bikarkeppni 5. flokki kvenna og karla, yngra og eldra ár. Hér fyrir neðan eru myndir af sigurliðunum fjórum og úrslitum leikjanna. Úrslitaleikirnir fóru fram í Laugardalshöll í sömu umgjörð og úrslitaleikir meistaraflokka.
Valur vann Selfoss í úrslitaleik Powerade-bikars í 5. flokki, eldra ár, 17:15. Valur var fimm mörkum yfir að loknum fyrri hálfleik, 11:6.
FH vann ÍR í úrslitaleik Powerade-bikars í 5. flokki karla, eldra ár, 15:10. ÍR-ingar voru marki yfir að loknum fyrri hálfleik, 8:7.
Selfoss vann HK í úrslitaleik Powerade-bikars í 5. flokki kvenna yngra á, 22:18. HK-ingar voru marki yfir þegar fyrri hálfleikur var að baki, 10:9.
Stjarnan vann KA í úrslitaleik Powerade-bikars í 5. flokki karla, yngra ár 15:14. Framlengja varð leikinn til þess að knýja fram sigurvegara.
Powerade-bikarmeistara í fleiri yngri flokkum er að finna hér.
