THW Kiel varð þýskur bikarmeistari í handknattleik karla í dag. Kiel lagði MT Melsungen, 28:23, í úrslitaleik í Lanxess Arena í Köln í dag. Þetta er í þrettánda sinn sem Kiel vinnur þýska bikarinn en þrjú ár eru liðin frá þeim síðasta. Melsungen tapaði úrslitaleiknum annað árið í röð.
Andreas Wolff landsliðsmarkvörður Þýskalands átti stórleik var með 42% hlutfallsmarkvörslu.
Elvar Örn Jónsson var markahæstur hjá MT Melsungen með fimm mörk. Hann átti einnig tvær stoðsendingar.
Eric Johansson skoraði sjö mörk og var markahæstur leikmanna Kiel.
Daníel Þór Ingason og liðsfélagar höfnuðu í þriðja sæti bikarkeppninnar eftir sigur á Rhein-Neckar Löwen, 32:31, í leik sem fram fór á undanúrslitaleik. Balingen og Löwen töpuðu undanúrslitaleikjunum í gær.
Daníel Þór skoraði tvö mörk og átti tvær stoðsendingar í leiknum auk þess að fara heim með bronsverðlaun. Athyglisverður árangur hjá Balingen-Weilstetten sem er í næst efstu deild.
