Handboltaæfingar hefjast á nýjan leik á Akranesi

HSÍ – Handknattleikssamband Íslands í samstarfi við ÍA og íþróttamannvirkja Akraneskaupstaðar verða með kynningu á handbolta næstu sunnudaga og bjóða upp á æfingar fyrir börn á grunnskólaaldri.

Æfingar fara fram í Íþróttahúsinu á Vesturgötu og verður um tvo aldurshópa að ræða til að byrja með.
1. - 4. bekkur - kl. 14 - 15.
5. - 7. bekkur - kl. 15 - 16.

Þjálfarar verða þau Ingvar Örn Ákason og Kolbrún Helga Hansen.

„Æfingar hefjast næstkomandi sunnudag, 5. febrúar. Allir er velkomnir á æfingarnar sem verða iðkendum að kostnaðarlausu.

Við hvetjum alla til að koma og prófa. Æfingarnar halda áfram næstu sunnudaga og við lofum lífi og fjöri fyrir alla sem mæta,“ segir m.a. í tilkynningu HSÍ.