Landsliðskonan í handknattleik og leikmaður Selfoss, Perla Rut Albertsdóttir, var valin íþróttakona Ungmennafélagsins Selfoss fyrir árið 2024. Verðlaunin voru afhent á verðlaunahátíð Umf. Selfoss sem fram fór í félagsheimilinu Tíbrá fyrir jól. Fyrst í dag sagði handknattleiksdeild Selfoss frá.
Perla Ruth var burðarás í liði Selfoss sem bar sigur úr býtum í Grill 66 deildinni á síðasta tímabili og tryggði sér sæti í Olísdeildinni. Á sama tímabili komst Selfoss i undanúrslit Poweradebikarsins með Perlu Ruth sem helstu driffjöður.
Perla Ruth hefur einnig verið fastakona í íslenska landsliðinu á árinu og lék með því á Evrópumótinu í nóvember og desember. Perla Ruth var markahæst í íslenska liðinu á EM með 21 mark í þremur leikjum.
Alls hefur Perla Ruth leikið 57 landsleiki og skoraði í þeim 139 mörk.
Hannes tilnefndur
Handknattleiksmaðurinn Hannes Höskuldsson var tilnefndur í kjör íþróttakarls Ungmennafélagsins Selfoss að þessu sinni. Hann hreppti ekki hnossið.
