Fjölnismenn hrepptu tvo torsótt stig úr viðureign sinni við ungmennalið Selfoss í Set-höllinni á Selfossi í dag þegar liðin mættust þar í Grill66-deild karla. Eins marks munur var þegar upp var staðið, Fjölni í vil, 29:28, en liðið var með tveggja marka forskot að loknum fyrri hálfleik, 14:12.
Þar með hefur Grafarvogsliðið komist upp að hlið ÍR. Hvort lið hefur 26 stig að loknum 16 leikjum. Hörður er tveimur stigum og einum leik á eftir
Fjölni tókst þar með að svara fyrir tveggja marka tap í fyrri viðureign liðanna í Dalhúsum í lok nóvember.
Um hörku viðureign var að ræða í Set-höllinni í dag þar sem vart mátti á milli liðanna sjá.
Aðalsteinn Örn Aðalsteinsson fór mikinn í liði Fjölnis að þessu sinni og skoraði 10 mörk. Héldu honum engin bönd. Björgvin Páll Rúnarsson var einnig í öflugur í lið Fjölnis.
Hannes Höskuldsson var atkvæðamestur hjá Selfossliðinu með sjö mörk. Hannes er jafnt og þétt að ná vopnum sínum aftur eftir slæm meiðsli á síðasta keppnistímabili.
Mörk Selfoss U.: Hannes Höskuldsson 7, Sölvi Svavarsson 5, Sigurður Snær Sigurjónsson 4, Gunnar Flosi Grétarsson 4, Haukur Páll Hallgrímsson 3, Elvar Elí Hallgrímsson 2, Tryggvi Sigurberg Traustason 2, Vilhelm Freyr Steindórsson 1.
Mörk Fjölnis: Aðalsteinn Örn Aðalsteinsson 10, Björgvin Páll Rúnarsson 7, Alex Máni Oddnýjarson 3, Brynjar Óli Kristjánsson 3, Óðinn Freyr Heiðmarsson 2, Elvar Otri Hjálmarsson 2, Aron Breki Oddnýjarson 1, Victor Máni Matthíasson 1.
Stöðu og næstu leiki í Grill66-deild karla er að finna hér.
