Unglingalandsliðsmaðurinn Antoine Óskar Pantano hefur fylgt í kjölfarið á Ara Pétri Eiríkssyni og skrifað undir nýjan samning við Handknattleiksdeild Gróttu sem gildir út tímabilið 2026.
Antoine er 17 ára gamall leikstjórnandi og hefur stimplað sig inn í Olísdeildina í vetur með góðri frammistöðu í vetur. Hann hefur skorað 12 mörk og skapað 22 marktækifæri fyrir liðsfélaga sína í þeim 10 leikjum sem búnir eru.
Antoine Óskar lék stórt hlutverk í U17 ára landsliði karla sem hafnaði í 5. sæti á Opna Evrópumótinu í Svíþjóð í sumar og var einnig í 5. sæti á Ólympíuhátíð Evrópuæskunnar í Slóveníu nokkrum vikum síðar.
„Það eru miklar gleðifréttir að Antoine leiki í Gróttutreyjunni næstu árin enda framtíðarleikmaður meistaraflokks,“ segir í tilkynningu frá handknattleiksdeild Gróttu.
