„Fyrsti leikur í úrslitakeppni er svona. KA mætir alltaf með allt sitt og spilar með hjartanum. Ég er fyrst og síðasta ánægður með að ná sigri í fyrsta leik í úrslitakeppninni og vera komnir á blað,“ sagði Sigursteinn Arndal þjálfari karlaliðs FH í samtali við handbolta.is í Kaplakrika í kvöld eftir að deildarmeistararnir lögðu KA, 30:28, í fyrstu viðureign þeirra í átta liða úrslitum Olísdeildar. Næst mætast liðin á í KA-heimilinu á sunnudaginn klukkan 16.
„Við höldum bara áfram á sömu leið og áður, reynum að bæta okkur frá leik til leiks. Við verðum að spila betur á sunnudaginn,“ sagði Sigursteinn sem viðurkenndi að hafa ekki verið í rónni fyrr en flautað var til leiksloka.
„Þegar 15 sekúndur voru eftir þá leið mér ekki vel. En ég ætla að halda mig við það að vera ánægður með sigurinn,“ sagði Sigursteinn Arndal þjálfari FH-ingar í kvöld.
Vegna gleymsku sem hrjáir umsjónarmann handbolta.is var ekki mögulegt að taka upp myndskeiðsviðtal eftir leikinn í Kaplakrika í kvöld. Huggun harmi gegn er í staðinn boðið upp á hljóðritað viðtal við Sigurstein þjálfar FH. Viðtalið er að finna hér fyrir neðan.
Sjá einnig:
Umspil Olís kvenna: leikjadagskrá og úrslit
Umspil Olís karla: leikjadagskrá og úrslit
Olís kvenna: Úrslitakeppni, leikjadagskrá
Olís karla: Leikjadagskrá, úrslitakeppni
Leikurinn tapaðist á smáatriðum – FH-ingar voru heppnir
Barátta og dugnaður KA-manna nægði ekki
