- Auglýsing -
- Peter Woth sem þjálfað hefur þýska handknattleiksliðið TuS Metzingen sem Sandra Erlingsdóttir leikur með hefur verið leystur frá störfum. Frammistaða liðsins, sem varð bikarmeistari í vor, hefur ekki verið viðunandi að mati stjórnenda félagsins. Miriam Hirsch hefur verið ráðinn í stað Woth. Hann hefur þegar tekið til starfa.
- Marc Uhd tekur við þjálfun danska úrvalsdeildarliðsins Ribe–Esbjerg á fyrsta degi næsta árs. Ágúst Elí Björgvinsson og Elvar Ásgeirsson leika með liðinu sem er í næst neðsta sæti deildarinnar um þessar mundir. Uhd hefur síðasta hálfa þriðja árið verið þjálfari karlaliðs TMS Ringsted. Uhd tekur við þjálfun af Jesper Holm sem verið hefur þjálfari og íþróttastjóri Ribe-Esbjerg síðan á vordögum þegar þáverandi þjálfara var sagt upp. Holm heldur áfram störfum sem íþróttastjóri félagsins.
- Hægri hornamaður Barcelona og spænska landsliðsins, Aleix Gómez, hefur skrifað undir nýjan samning við Barcelona til fjögurra. Samningurinn leysir af núverandi samning sem er út núverandi leiktíð.
- Danski línumaðurinn Magnus Saugstrup verður áfram í herbúðum þýsku meistaranna, SC Magdeburg. Hann hefur ritað nafn sitt undir samning við félagið til ársins 2029. Saugstrup kom til Magdeburg 2021 frá Aalborg Håndbold.
- Misha Kaufmann þjálfari þýska karlaliðsins Eisenach er sagður vilja fara frá félaginu í lok leiktíðar. Ekkert hefur verið staðfest í þeim efnum. Kaufmann hefur gert það afar gott með Eisenach sem kom upp í efstu deild vorið 2023. Hann skrifaði undir nýjan samning í vor sem gildir til ársins 2027. Vangaveltur eru uppi í Þýskalandi um að Kaufmann hafi í hyggju að færa sig yfir Stuttgart hvar flest hefur gengið á afturfótunum í vetur.
- Auglýsing -
