Á dögunum var tilkynnt að Sigurður Bragason hætti í vor þjálfun meistaraflokksliðs ÍBV eftir sjö ár í brúnni. Magnús Stefánsson þjálfari karlaliðsins undanfarin tvö ár tekur við af Sigurði.
„Þetta er bara orðið gott og kominn tími til að hvíla sig,“ segir Sigurður í samtali við handbolta.is en áður en hann tók við þjálfun kvennaliðsins hafði Sigurður verið hluti af þjálfarateymi meistaraflokks karla. Með leikmannaferlinum hefur Sigurður verið leikmaður og þjálfari í 31 ár.
Í góðum höndum hjá Magga
„Það er ekkert útséð um að ég hætti alveg að þjálfa. Ég hef gaman af því að vera í þessu og hef verið að þjálfa yngri flokka og hver veit nema að ég haldi eitthvað áfram. Ég verð áfram í íþróttahúsinu og í Eyjum. Úr því að Maggi var tilbúinn að taka við þá verður liðið í góðum höndum. Ég þarf að halda liðinu uppi,“ segir Sigurður og bætir við að hann sé vonsvikinn með að skilja við liðið í þeirri stöðu sem það er í. ÍBV er í fallbaráttu og er alls ekki öruggt að halda keppnisrétt í Olísdeildinni á næstu leiktíð.
„Við vorum komin með eitt besta lið landsins um tíma en því miður þá er þetta oft staðan úti á landi,“ segir Sigurður og bendir á að stærstur hluti liðs ÍBV sem varð bikarmeistari fyrir tveimur árum sé annað hvort ekki lengur í liðinu eða hætti í vor. Fleiri breytingar standa fyrir dyrum.
Lengra viðtal við Sigurð er að finna í myndskeiði hér fyrir ofan.
Sjá einnig: Sigurður hættir og Magnús tekur við
