Efsta lið 2. deildar karla í þýska handknattleiknum, Bergischer HC sem Arnór Þór Gunnarsson þjálfar, tapaði í fyrsta sinn stigi í leikjum deildarinnar á þessari leiktíð þegar liðið fór með skiptan hlut í viðureign við TV 05/07 Hüttenberg á útivelli, 31:31. Noah Beyer tryggði Bergischer HC annað stigið þegar hann jafnaði metin á síðustu stundu.
Tjörvi Týr Gíslason kom aðallega við sögu í vörninni og var einu sinni vikið af leikvelli í tvær mínútur.
Daníel Þór Ingason og liðsfélagar í HBW Balingen-Weilstetten unnu Eulen Ludwigshafen örugglega á heimavelli í gær, 29:21.
Daníel Þór skoraði ekki mark í leiknum en var fastur fyrir í vörninni. Hann varði eitt skot en var tvisvar sendur í tveggja mínútna kælingu.
Bergischer HC er efst með 11 stig eftir sex leiki. Balingmenn er þremur stigum á eftir í sjötta sæti.
Staðan í 2. deild þýska handknattleiksins í karlaflokki:
