- Auglýsing -
- Matthildur Lilja Jónsdóttir og Ólafur Rafn Gíslason eru handknattleiksfólk ÍR. Þau voru heiðruðu í hófi félagsins í gær. Matthildur Lilja lék stórt hlutverk í ÍR-liðinu þegar það vann sér sæti í Olísdeildinni í vor auk þess að standa sig afar vel með liðinu í deildinni fram til þessa. Þar að auki hefur Matthildur Lilja unnið sér sæti í U20 ára landsliðinu.
- Ólafur Rafn var einn besti markvörður Olísdeildar karla á síðustu leiktíð 2022/2023. Því til sönnunar var hann á meðal efstu markvarða á lista þeirra sem vörðu flest skot.
- Dagur Gautason er í 10. sæti á lista yfir markahæstu leikmenn norsku úrvalsdeildarinnar þegar 15 umferðir eru að baki auk þess sem hlé hefur gert á keppni vegna Evrópumóts karla í handknattleik. Dagur, sem leikur með ØIF Arendal, hefur skoraði 74 mörk í 15 leikjum. Hann er eini Íslendingurinn á 10 manna listanum.
- Elvar Ásgeirsson er í 13. sæti yfir þá leikmenn dönsku úrvalsdeildarinnar sem gefið hefur flestar stoðsendingar. Elvar hefur gefið 51 stoðsendingu í 18 leikjum. Anders Kragh Martinusen leikmaður Fredericia er lang efstur með 112 sendingar. Danski landsliðsmaðurinn og liðsmaður Bjerringbro/Silkeborg, Rasmus Lauge, er í öðru sæti með 74 sendingar.
- Ágúst Elí Björgvinsson markvörður og samherji Elvars hjá Ribe-Esbjerg er í 13. sæti á lista yfir markverði dönsku úrvalsdeildarinnar. Ágúst Elí hefur varið 29% skota sem á mark hans hefur komið. Danski landsliðsmarkvörðurinn Niklas Landin er efstur með 38,2% hlutfall. Landin gekk til liðs við Aalborg Håndbold í sumar.
- Auglýsing -
