Áhorfendum verður ekki heimilt að vera í íþróttahöllinni í Düsseldorf á fimmtudaginn í næstu viku þegar þýska landsliðið leikur sinn fyrsta leik undir stjórn Alfreðs Gíslasonar. Þjóðverjar mæta þá landsliðinu Bosníu í undankeppni EM. Talsvert hafði verið selt af miðum í forsölu. Þeir verða allir endurgreiddir.
Hollenska handknattleikskonan Danick Snelder hefur yfirgefið ungverska liðið Siofok KC og gengið til liðs við þýska liðið Bietigheim. Snelder er þrítug að aldrei og var fyrirliði hollenska landsliðsins þegar það varð heimsmeistari fyrir ári síðan.
Svo virðist sem uppnám ríki hjá ungverska liðinu Siofok KC. Ekki er nóg með að Snelder sé farin heldur hafa Laura van der Heijden og Dinah Eckerle verið leystar undan samningi að eigin ósk. Sú fyrrnefnda æfir nú með Dortmund í Þýskalandi en Eckerle með Metz í Frakklandi.
Eins og handbolti.is sagði frá í síðustu viku þá var þjálfarinn, Norðmaðurinn Bent Dahl, fyrirvaralaust sagt að taka pokann sinn. Í hans stað var Zdravko Zovko ráðinn. Um líkt leyti var Nerea Pena sett í æfinga,- og keppnisbann hjá liðinu. Hún reynir nú að komast til annars félags.
