Vídó hefur staðið sína síðustu vakt hjá HSÍ

Kjartan Vídó Ólafsson markaðsstjóri HSÍ síðustu sjö ár lauk vaktinni fyrir Handknattleikssamband Íslands í gær með vinnu sinni á fyrri umspilsleik Íslands og Ísrael í handknattleik kvenna. Vídó sagði starfi sínu lausu snemma árs og hefur nú lokið formlega störfum.

Vídó hefur ákveðið að flytja heim á bernskustöðvarnar í Vestmannaeyjum hvar hann tekur til starfa sem fulltrúi skipulags- og byggingadeildar hjá tæknideild Vestmannaeyjabæjar.

Ekki hefur enn verið ráðið í starf Kjartans hjá HSÍ.