„Þetta er ágætis markaðssetning og fólk lesi þetta. Og jájá… þetta er ekkert bannað. Hann má alveg bjóða sig fram til forseta og borgarstjóra eins og hann vill. En eins og ég kallaði eftir í fyrra, mér fannst á HM í fyrra allskonar hlutir. Hann á auðvitað rétt á að gera allt sem hann vill. Í fyrsta lagi á hann bara að standa vaktina í markinu og maður vill hafa fókusinn frekar skýran á öllum hlutum,“ segir Logi Geirsson fyrrverandi landsliðsmaður í handknattleik í nýjasta þætti Handkastsins þar sem Facebook-færsla Björgvin Páls Gústavssonar landsliðsmarkvarðar um að hann útiloki ekki að velta fyrir sér framboði til forseta Íslands síðar á þessu ári.
Guðni er ekki að hjálpa Snorra Steini
„Guðni Th. er ekki að hjálpa íslenska landsliðinu og íslensku
þjóðinni rétt fyrir stórmót að tilkynna að hann ætli ekki að vera
áfram forseti. Auðvitað fer hausinn á Bjögga núna þangað. Á hann að bjóða sig fram eða ekki? Það er stutt í mót, Guðni er ekki að gera Snorra Steini greiða með þessu,“ bætti Arnar Daði umsjónarmaður Handkastsins við.
Þetta er tóm þvæla
„Það eru aðrir markmenn í 36 manna hópnum sem Snorri getur kallað inn. Þetta er auðvitað tóm þvæla, þetta er ekkert annað. Hann á bara að vera einbeita sér að þessu móti og líka að næstu 11 dagar fari í fjölskylduna hans. Ég hugsa bara að ef landsliðið í fótbolta væri að fara á stórmót þá ertu ekkert 11 daga fyrir mót með fjölskyldunni og hugsa um hana. Þá ertu með liðinu og ég hefði haldið að það væri einnig hjá íslenska landsliðinu í handbolta. Ég hefði haldið að landsliðið væri að fara til Austurríkis um helgina að spila æfingaleiki og síðan koma þeir ekkert heim aftur,“ sagði Mikael Nikulásson er var gestur Handkastsins að þessu sinni.
Spilar hann í Austurríki?
„Ætli Björgvin Páll verði heima með fjölskyldunni meðan Ísland spilar við Austurríki um helgina?” spurði Arnar Daði.
Handkastið er byrjað að hita hressilega upp fyrir EM í handbolta sem hefst eftir hálfa aðra viku. Nýjasta þáttinn, fleytufullan af EM-umræðu, er að finna hér fyrir neðan. Tal þeirra félaga um Björgvin Pál og hugsanlega forsetaframboðið ofan í þátttöku á EM hefst eftir rétt rúmlega 40 mínútur.
